Beet gaye jo dilkash pal, chhod ke yaadon ki hulchul,
Har pal jo bhula na paenge, phir se jo lautega na kal!
Sardi ki wo thandi raaton me jab jaam uthaya karte the,
Har baat pe hasna zoro se, wo khoob hasaya karte the!
Wo ladna jhagadna yaaron ka, lad ke jo manaya karte the,
Har chhoti chhoti khushi me jo, mil jashn manaya karte the!
Khatm hua wo safar suhana, jo chhoot gayi bas yaaden hain,
Hotho pe hai baithi hasi magar, sab jashn lage ab aadhe hain!
Dekho ki wo bandhan toot gaye, pakdo ki wo saathi chhoot gaye,
Ab palko pe hai nami bahut, wo khoob rulaya karte hain!!
 |
| Karnataka |
No comments:
Post a Comment